Taglibro de Ténno Seremél’

Hodiaŭ mi vidis interesan sonĝon, sed mi ne povas skribi pri ĝi, ĉar mi jam rakontis ĝin al Ninlilo. Ne plaĉas al ŝi, se mi rakontas al ŝi ion, kion mi rakontas al aliaj 🤭

Hodiaŭ mi sonĝis, ke mi spektis fantastan sudamerikan filmoserion pri infanoj. Aŭ eble pri gejunuloj, mi ne certas. La ĉefrolulo estis filino de homoj, kiuj iumaniere rilatis al feoj. Tiuj homoj, laŭkutime, nuntempe mankis, do la avo zorgis pri ŝi… 🤔

Hodiaŭ mi sonĝis, ke mi estis en Grand‐Britujo kun mia avinjo. Nek mi, nek ŝi iam estis tie 😅 Kaj mi ne pensis pri Grand‐Britujo hieraŭ. Ĉiuokaze, ni ial promenis en ĝardeno de la reĝino, kiu ankaŭ ĉeestis 🤔

Du noktojn antaŭe mi sonĝis pri unu el miaj koramikoj. Ŝi estis en tri el kvar sonĝoj, kiujn mi tiam vidis. Ĉu mi jam diris, ke mi ŝatas dormi? Jes, mi diris 😴

Hodiaŭ mi sonĝis tre strangan kaj nekutiman sonĝon, ĉar ĝi rakontis pri lernejo de sana homo, kiel oni diras.

Do komence mi troviĝis hejme kun mia koramiko, kiun mi eĉ ne konis en tiuj tempoj en reala mondo. Neatendite bluhara junulino frapetas fenestron, ĉe kiu mi sidis. Ni bonanime konversaciis, ŝi eĉ kunportis bonegan varman teon… Ĉio por memorigi min, ke mi havas grandan laboron en ĉi tiu lasta lernojaro. Do jes, ni estis samklasanoj en ĉi tiu sonĝo. Mi ankaŭ sciis, ke ŝi ankaŭ laboras kiel virtualulo. En reala mondo virtualuloj ankoraŭ ne ekzistis, kiam mi studis en lernejo… Ĉiuokaze bluhara junulino similis al Hoŝimaĉi Suisej' (japane: 星街すいせい)… 😅

Kelkaj aliaj homoj aperis kaj mi klarigis, kial mi ĉiam ne faras ion ajn pri tiu laboro ĝis finaj tagoj: mi simple tro multe studas kaj forgesas, vere. Do tio ankaŭ signifas, ke mi faris tion multfoje! Kion? Mi parolas bonvenigon antaŭ koncerto kaj ion antaŭ partoj de ĝi. Esti centro de atento eĉ ne plaĉas al mi en reala mondo 😅

Mi eĉ ne sciis, pri kio mi devas prepari paroladon… Ĉiuokaze ni venis en lernejon, kie mi eksciis, ke mi ankaŭ kantis angle en fino de pasintjara koncerto. Mi ne scipovas kanti! 😅

Ŝajnas, ke en ĉi tiu sonĝo ĉio tio plaĉis al mi. Iom da aliaj eventoj okazis, tamen plej grava temo de sonĝo estis vera amikeco inter homoj, kiun mi ne povas priskribi, ĉar mi volas dormi… 😅 Ĉiuokaze sonĝo estis tre nekutima, ĉar kutime miaj sonĝoj pri lernejo estas malagrablaj. Nia klaso en reala mondo estis nek malbona, nek sufiĉe amikeca 🤷

Do mi denove sonĝis pri flugado, tamen ĉi-foje mi sonĝis, ke me ludis virtualrealan bitludon, en kiu mi ja flugis. Kaj tie mi flugis pli libere, ol kiam mi simple flugas en sonĝoj. Amuze!

Mi denove sonĝis pri lernejo. Estis la lasta tago de lernado kaj mi penis trovi la finajn notojn de lernofakoj. Ankaŭ mi serĉis parton de mono, kiu subite malaperis. Mi bezonas malŝalti tiujn sonĝojn.

Hodiaŭ en sonĝo ni batalis kontraŭ fantomoj, kiuj aspektis kiel pentraĵoj kaj povis eniĝi en homojn, kiuj rigardas ilin. Estis multe da flamo…

Universitata aŭ lerneja medio. Alilandaj studantoj venis interŝanĝi spertojn: komputilan, spadan, ktp. Reale mi ne scipovas batali per spadoj, tamen en la sonĝo mi povis. Tio estis amuze :)

Poste mi kun alilanda junulino, kiu estis pli juna, ol mi, vizitis foiron. Ŝi aĉetis iujn aĵojn tie, kaj mi komentis, ke ordinare ili kostas malpli, ol nun. Ŝi respondis, ke ŝi aĉetas ne aĵojn, sed rememorojn. Kaj post tio ni sidis ie, proksime unu al la alia, kaj ripozis. Mi diris, ke tio aspektas kiel amrendevuo. Ŝi konsentis, do mi kisis ŝin. Kaj tuj poste la katido miaŭis, do mi vekiĝis… %)