Taglibro de Ténno Seremél’

Hodiaŭ mi sonĝis, ke Infero kaj Ĉielo estas korporacioj. Mi kaj virino M. estis gardistoj de dektrijaraĝa filino de la ĉefo de Infero. Diference de M., mi ne havis iujn superpovojn, do mi ne scias, kial mi ankaŭ estis gardisto, tamen ili certe parolis kun mi kiel kun iu konata.

Stranguloj, kiuj verŝajne estas malamikoj, ekaperis. Ni devis kaŝe eskapi el alta konstruaĵo, kiu estis bazo de Infero. Tre alta. Altega! Feliĉe ĝi havis sekretajn liftojn, unu el kiuj ni uzis. Ni amike interparolis dum preskaŭ la tuta malsupriĝo. Ĉu la filino ne sciis pri la danĝero? Eble.

Kiam ni finfine malsupriĝis, amuzis min, ke la malaltaj etaĝoj enhavis nur vendejojn. Ni eliris el la bazo senbatale kaj rapide forveturis. Kio okazis en la bazo post tio? Kien ni veturis? Ĉu ĉiu okazas laŭ la plano? Ĉu la filino estas la sola infano de la ĉefo? Rigardu en aliaj sonĝoj! Eble.

Когда начинаешь переключать тёмную и светлую темы в системе, начинают раздражать сайты, которые не подстраиваются автоматически, а всегда требуют переключения вручную.

Nekompreneble, ke ekzistas eta siluo, sed ne la granda!

Tro malvarme. Mi iros en vendejon poste, kiam estos iom pli varme. Eble printempe 🤭

KDE majuskligas unuan literon de ĉiu vorto en menuoj. Fi!

Mi bezonas multe da brakumadoj. Unu homo ne povas doni tiom multe sufiĉe ofte 😸

Ekde la tempo, kiam mi komencis labori hejme, mi ne desegnis ian ajn simbolon. Mi ĉiam faris tion en kafejo aŭ restoracio dum atendado, tamen mi, kompreneble, plu ne vizitas ilin! Aŭ ne vizitas ofte. Tio certe ŝparas monon, tamen… 🤷

La 1‐a de januaro estu la tago de novaj amikoj 🐱☕

Там, говорят, ЖЖ сэппуку решил сделать